SHANTA LUQADOOD EE JACEYLKA

 

SHANTA LUQADOOD EE JACEYLKA

Marka ugy horreysa ee aad qof kulantaan iyo saadaasha hore ee aad ku ogaan karto in aad isku haboon tihiin qofka iyo suurtagalnimada uu xiriirkaasi ku sii jiri karo , waa in aad barataa daqriiqyadda lagu gudbiyo jaceylka ee labada qof ka dhaxeeya .

   Waxaa jiro buug uu qoray Dr Gary Chaman oo lagu magacaabo shanta luqadood ee jacaylka “ the five love languages” oo uu qoraaga ku qeexaya in ay jirto 5 luqadood oo lagu soo bandhigo jaceylka qof weliba uu u kala hormariyo sida isaga gaarka u ah . Inaad ogaato luqadaas waxay abuuri kartaa isfahan wanaagsan , haddii kanaalladaas labada qof ay isku aadaan ama ay isla ogaadaan waxaa fududaaneyso in ay jaceylkooda dhab ahaantiisa ay isla dareemaan.

SHANTA LUQADOOD EE JACEYLKA LAGU GARTO WAA :-

1: Ereyga xaqiijinta ( Word Affirmation ): Dadka qaarkii waxa ay jaceylka loo qabo ku fahmaan qirasho afka ah oo hadalo kalgacal ah lagu dhaho sida : waan ku jeclahay , waxaad tahay iftiinka noloshayda , timahaaga aad ayay u qurux badan yihiin , had iyo jeer waad iga qoslisaa iyo in aad ku dhahdo “ hadallo dhiirigelinaya marka ay wax wanaagsan sameeyaa sidoo kale , in aad ku ammaanto waxyaabaha wanaagsan . Dadka luqaddooda aasaasiga ah ay tahay word of affirmation , ereyaddu macno badan ayay u leedahay oo waxay dareensiinayaan in la fahmay oona qaddarin loo haayo .

2: Waqti tayo leh ( Quality Time )

Waxay jaceylkooda ku qiimeeyaan x in la isla qaato waqti tayo leh , waxay dareemaan jacaylka ugu badan marka ay doonayaan lammaanuhu in ay si firfircoon waqti isula qaataan , waxayna si gaar ah u sii jecel yihiin marka dhugmo joogta ah la siiyo , dhageysi firfircoon iyo indho-indheyn. Luqaddan jacaylka waxay ku saabsan tahay , in aad si gaar ah dareenkaaga u siiso qofkaas gaar ah ama meel aad isla aaddan iyada oo aan lagu mashquulin shaashadaha taleefannada , telefishinnada ama wax kale oo faragelin dibadeed ah .

3: Ficillo Adeeg ( Act Of Service ): Waxay jaceylkooda ku dareemaan, inaad noloshooda u fududeyso ama ad wax la qabato , sida : in shaah u sameyso subaxdii , markii uu xanuun yimaado in la garab qabto oo laga caawiyo nadaafadda howsha guriga , dadka sidaasi ah , waxaa laga yaabaa, in haddiyado qaali ah loo keeno ama ereyo amman ah lagu dhaho , haddana ay iska cabanayaan , sababta oo ah luqaddooda jacaylka ugu horreyo, waxay tahay in wax lala qabto oo ugu yaraan xitaa lagu caawiyo shaqooyinka yaryar iyo kuwa waaweynba .

4: Haddiya ( Gift ): Dadka ay tahay luqaddooda jacaylka ah , in haddiyado la siiyo , waxay ku raaxeystaan in la siiyo waxyaabo macno leh oo muhiim u ah iyaga oo ka tarjumaya qiyaamkooda , ma aha wax qiimaha lacageed oo qaali ah , laakiin waa fikirka ah , in wax la siiyay, sidoo kale dadka qaabkaan leh waxay qiimeeyaan goobta , goorta iyo habka haddiyadda loo siinayo . Dr chapman luqaddan jaceylka , wuxu ugu yeeray “Astaahama muuqaalka ah ee jacalka” ( Visual symbols of love) .

5: Taabasho: ( Touch ): Dadka luqadooda jacaylka taabashada tahay waxay dareemaan jaceyl marka ay si joogta ah u helaan isku soo dhawaanshaha jirka iyo taabashada oo ay ku jiraan dhunkashada , gacmaha , garab isqabsashada , in hab la siiyo iyo galmada . Isku soo dhawaanshaha jirka ayaa si aan caadi ahayn u xaqiijinaya qofka in la jecel yahay .

5taas luqaddood ee jacalka waa 5ta luqaddood ee lagu qeexo jacalka , laakiinse qofba way u kala horreeyaan ama u kala muhiimsan yihiin , sidaas awgeed qofka aad is guursateen labada ugu horreya aad isku mid noqotaan , waxaa aad u fududaanayo is fahamkiina , maadama labadiinaba aad isku hab u fahamteen jaceylka , lakiin haddii isku mid ahayn , waa in qof kasta ogolaadaa qofka kale waxa uu jacaylka u fahmo ka dibna uu arrimahaas la yimaado , si dhinaca kale uu u dareemo jaceylka ayna ugu waaraan noloshooda , haddii kale , waxaa dhaceysa labo qof is jecel laakiin aan is fahmsaneyn!